Ministri i Mbrojtjes, Armend Mehaj ka pritur në një takim Ambasadorin e Britanisë së Madhe në NATO, David Quarrey.
Në këtë takim Mehaj shprehu gatishërinë që FSK-ja të ofrojë ndihmë për Ukrainën.
“Ndër të tjerash shpreha po ashtu gatishmërinë që si shtet, si Ministri e Mbrojtjes përmes Forcës së Sigurisë së Kosovës të ofrojmë ndihmë për Ukrainën, duke trajnuar ushtarakë ukrainas në fushën e deminimit, kërkim-shpëtimit dhe eliminimit të materieve të rrezikshme”, ka shkruar Mehaj.
Po ashtu është diskutuar për drejtimet ku mund të thellohet bashkëpunimi mes Kosovës dhe Britanisë së Madhe.
“Në takim me Ambasadorin Quarrey, diskutuam rreth situatës aktuale gjeopolitike, zhvillmit të Republikës së Kosovës në sektorin e sigurisë, bashkëpunimin e ngushtë që si shtet e ushtri e kemi me Mbretërinë e Bashkuar, dhe drejtimet ku mund të thellojmë bashkëpunimin, e po ashtu diskutuam për raportin që kemi me NATO-n e KFOR-in, si trupa partnere të FSK-së e organe të rëndësishme këshilluese e mbrojtëse të sigurisë”, ka shkruar Mehaj.
