Ministri i Administrimit të Pushtetit Lokal, Elbert Krasniqi, është duke zhvilluar një vizitë zyrtare në Lisbonë të Portugalisë.
Ai atje është takuar me ministren e Kohezionit Territorial, Ana Abrunhosa, me të cilën ka folur për çështjet që i preokupojnë komunat.
“Transformimi nga Komunat urbane në ato të gjelbëra, zhvillimi ekonomik lokal, kohezioni social dhe bashkëpunimi në iniciativat transnacionale ishin temat kyçe të cilat i diskutuam dhe për të cilat jemi dakorduar që të fillojmë bashkëpunimin në mënyrë që të përfitojnë Komunat dhe qytetarët e dy shteteve tona”, ka shkruar Krasniqi.
Po ashtu Krasniqi e ka ftuar portugezen në konferencën ‘City to City Diplomacy’, e cila do të mbahet në Kosovë dhe sipas Krasniqit ka për qëllim të bashkojë komunat nga vende të ndryshme.
“Niveli lokal nuk është përkrahur asnjëherë më me zell e përkushtim nga niveli qendror. Në mandatin tonë jemi të përkushtuar dhe këmbëngulës që t’i përmisojmë shërbimet për qytetarët e t’i ndihmojmë kryetarët”, ka shkruar Krasniqi.
