Ministri i Jashtëm turk Hakan Fidan hodhi poshtë të mërkurën planin e presidentit amerikan Donald Trump për të zhvendosur palestinezët nga Gaza, duke e quajtur atë “të papranueshëm”, duke shtuar se vet konsiderimi i një plani të tillë është I gabuar.
Duke folur në tryezën e redaktorëve të Anadolu-s në kryeqytetin Ankara, Fidan tha se Turqia kundërshton të gjitha nismat që synojnë të përjashtojnë popullin e Gazës nga ekuacioni në rajon, duke riafirmuar përkushtimin e saj ndaj të drejtave të palestinezëve.
Ai paralajmëroi se bota po zhvendoset drejt një “ligji të xhunglës”, ku askush nuk merr parasysh nevojat e të tjerëve dhe aplikon filozofinë e “fuqia e përcakton të drejtën”.
Të martën, Trump tha gjatë një konference për shtyp në Uashington me kryeministrin izraelit Benjamin Netanyahu tha se SHBA “do të marrë nën kontroll” Gazën pasi të zhvendosë palestinezët diku tjetër.
Propozimi i tij, megjithatë, është refuzuar me vendosmëri edhe nga Amani dhe Kajro.
