Ministri i Jashtëm Spanjoll, Jose Manuel Albares, ka thënë se Spanja nuk do të ndryshojë qëndrim për pranimin e pavarësisë së Kosovës, pavarësisht njohjes së pasaportave.
Albares thotë se Spanja nuk do të jetë kurrë pengesë për dialogun Kosovë – Serbi dhe afrimin e Prishtinës në Bashkimin Evropian.
“E kam thënë shumë herë dhe e them sërish këtu sot, se Spanja nuk do të jetë kurrë pengesë për dialogun ndërmjet Beogradit dhe Prishtinës. Sepse, ai territor i Kosovës është brenda Ballkanit Perëndimor, dhe shkon në samitet e Bashkimit Evropian me Ballkanin Perëndimor. Dhe Përfaqësuesi i Lartë bëri një punë të lavdërueshme dhe ne e mbështesim atë. Nuk mund të pretendojmë se nuk ekziston. Por kjo nuk do të thotë se ne e njohim sovranitetin e saj”, ka thënë Albares në një intervistë për El Periodico Espana.
Ai tha se edhe pse Spanja nuk e njeh Kosovën, i njeh pasaportat e saj.
“Edhe pse kjo nuk do të thotë, siç tregojnë këshillat juridike spanjolle dhe të të gjitha shteteve që nuk e njohin Bashkimin Evropian, dhe e them edhe një herë, asnjë njohje të Kosovës apo sovranitetit të saj. Ne jemi pesë shtete të Bashkimit Evropian që nuk e njohim Kosovën dhe të pestë i pranojmë pasaportat e tyre”, ka deklaruar Manuel Albares./teve1.info/
