Schallenberg, pas takimit që ka pasur të martën në Vjenë me ministren e Punëve të Jashtme dhe Diasporës së Kosovës, Donika Gërvalla, tha se Austria ka mbështetur Kosovën gjithmonë, edhe para luftës së Kosovës.
“Të gjitha shtete e Ballkanit i takojnë BE-së. Unë shpresoj se për një kohë të shkurtër të ndodh liberalizmi i vizave për Kosovë”, tha ai.
Po ashtu, ai ka përmendur normalizimin e marrëdhënieve mes Kosovës dhe Serbisë.
“Është një shpresë që të gjendet një gatishmëri për kompromis”, tha ai.
Kurse, ministrja Gërvalla- Schwarz, e ka falënderuar Austrinë për mbështetjen ndaj Kosovës.
“Mbi 90 për e popullit të Kosovës e mbështetësin rrugën për BE dhe NATO, ne jemi evropian. Austria është e mirëseardhur në Kosovë, unë dëshiroj të ftoj konkretisht të vini në Kosovë dhe të investoni atje”, tha ajo.
Gërvalla tha se Serbia nuk e ka respektuar në rastet të ndryshme sovranitetin e Republikës së Kosovës.
“Gjatë verës kemi pasur një zhvillim prej qeverisë sonë ka pasur një tentim për të vazhduar rregullimin e marrëdhënieve dhe të hyjmë në një marrëveshje me Serbinë, po ajo nuk ka funksionuar”, theksoi ajo.
Sipas saj shteti fqinjë, Serbia ka bërë kërcënime ndaj Kosovës.
“Serbia ka sjellë ushtrinë e saj afër kufirit. Edhe ambasadori rus ishte në kufi ku ka inspektuar ushtrinë serbe, kjo situatë është tejkaluar me ndihmën e NATO-s”, theksoi ajo./rtk/
