Ministri i Mbrojtjes së Gjermanisë, Boris Pistorius, ka thënë se ky shtet është i përkushtuar që në Kosovë dhe vendet e rajonit të ketë siguri dhe stabilitet, dhe këto siç ka thënë ai janë edhe sinjale për Moskën.
Ai ka thënë se NATO ka kontribuar në Kosovë për ta parë atë stabile dhe jo të kundërtën.
“Marrë parasysh edhe interesat e Rusisë ndaj Serbisë dhe Rajonit, këtu nuk ka ndryshuar shumë, prandaj është e rëndësishme që të japim sinjale të qarta, dhe të bëjmë të qartë, që ne jemi për sigurinë dhe stabilitetin e vendit dhe rajonit dhe këto do të ishin sinjale të cilat duam t’ia dërgojmë edhe Moskës. Këto i themi për të siguruar Ballkanin Perëndimor dhe të ndihmojmë atë pasi e kemi obligim, ka thënë ai në konferencën e përbashkët me presidenten e Kosovës, Vjosa Osmani në Prishtinë, transmeton teve1.info
Ministri gjerman ka thënë vendet e Ballkanit Perëndimor që duna të anëtarësohen në Bashkimin Evropian, “nuk mund të hanë me dy lugë”. Ai ka thënë se ato duhet të përfaqësojnë vlerat e 27 vendeve të BE-së.
“Secili vend i Ballkanit Perëndimor që dëshiron të anëtarësohen në BE nuk mund të hajë me dy lugë. Secili vend duhet të përmbushë disa parakushte dhe disa obligime që duhet t’i ndërmarrë marrë dhe do të matën në bazë të suksesit që ata i arrijnë”, ka thënë ai.
