Kreu i MKRS, Hajrulla Çeku ka paralajmëruar nisjen e punimeve ne stadiumin olimpik “Adem Jashari” në Mitrovicë.
Nëpërmjet një postimi në rrjetet sociale, Çeku ka thënë se gjithçka është gati për të filluar me punimet.
“E gjatë dhe e mundimshme ishte rruga për t’i përmbyllur të gjitha procedurat që do të duhej të kishin mbaruar në vitin 2019, para nisjes së renovimit”, ka shkruar ndër të tjera Çeku.
Ai ka shtuar se shpronësimet tahmë kanë përfunduar, ndërsa kushtet e ndërtimit dhe leja ndërtimore janë siguruar. Po ashtu, ka bërë të ditur se borxhet e akumuluara ndër vite (komunalitë) janë paguar, kontrata me operatorin është zgjatur, zotimi për buxhet është siguruar.
“Punët do t’i monitorojmë në baza ditore, asnjë vonesë nuk do të tolerohet. Kosova do të bëhet edhe me dy stadiume të certifikuara ndërkombëtarisht”, ishte postimi i Çekut.
