Kabineti qeveritar i Republikës së Kosovës e ka miratuar vendimin parë për shpronësimin e tokave që atakohen nga projekti i rrugës Prizren-Tetovë, raporton teve1.info
Lidhur me këtë vendim qeveritar, në Facebook ka shkruar vet ministri i këtij dikasteri, Liburn Aliu.
Ai ka thënë se sot është bërë hapi i parë për ndërtimin e kësaj rruge.
“Në mbledhjen e sotshme të Qeverisë, miratuam vendimin e parë për shpronësimin e parcelave për realizimin e Projektit të rrugës Prizren – Tetovë.
Kjo rrugë lidhë dy autostrada ndërkombëtare të cilat kalojnë në dy anët e maleve të Sharrit – respektivisht lidhet auto ruta europiane E65 në Maqedoninë e Veriut me auto rutën E80 në Kosovë.
Lidhja e këtyre dy rrugëve në pikën më të afërt mes tyre, përveç se i ofron dy qytetet dhe dy shtetet tona, ajo mundëson hapjen e një korridori të ri rrugor që ka impakt në rajonin e gjerë të Ballkanit.
Ky vendim i hapë rrugë inicimit të procedurave për shpalljen e njoftimit për tenderimin e kësaj rruge, e që do të bëhet shumë shpejt”, ka shkruar Aliu.
