E probleme me ligjin kanë edhe disa deputetë të pushtetit e opozitës.
Nga Shoqëria Civile thonë se Qeveria Kurti po vazhdon të njëjtën praktikë sikurse qeveritë e kaluara
Arbërie Nagavci, Xhelal Sfeçla e Albulena Haxhiu janë ministrat që po përballen me drejtësinë.
Por jo vetëm ministrat kanë probleme me ligjin. Edhe kryetari i Kuvendit bën pjesë në këtë grup.
Për shkak të hedhjes së gazit lotsjellës në Kuvendin e Kosovës, Glauk Konjufca akuzohet nga prokuroria për dy vepra penale, për përdorim të armës dhe pengim të personit zyrtar.
Për të njëjtën vepra penale akuzohen edhe gjashtë deputetë të tjerë të zgjedhur të Lëvizjes Vetëvendosje: Fitore Pacolli, Valon Ramadani, Jetmire Vrenezi, Sali Zyba, Mimoza Kusari-Lila dhe Drita Millaku, si dhe Pal Lekajt e Time Kadrijaj nga AAK.
Por Pal Lekaj i është ngritur aktakuzë nga Prokuria Speciale edhe për 53 milionë eurot e ndara shtesë për “Bechtel & Enka” për autostradën e Shkupit.
Problem me ligjin ka edhe deputeti i Partisë Demokratike të Kosovës, Xhavit Haliti. Aktakuza e tij ka të bëjë me veprën “sulm ndaj personit zyrtar”.
E aktakuza të tilla sipas Institutit të Kosovës për Drejtësisë përçojnë mesazhe negative tek publik.
“Fakti se një person ka një pushtet të caktuar ka problem me ligjin e përcon një mesazh negativ te publik pasi që në aspektin publik politikane është përaqëuesi i pooppili i cili është i veshur më përgjgjegjësi”, thotë Mirvet Thaçi nga IKD
Kurse sipas kryetares së Organizatës FOL, Mexhide Demolli, Qeveria Kurti është duke vazhduar praktiken e Qeverive të kaluar.
“Kjo Qeveri vazhdon avazin të qeverie të kaluara pavarësisht se në kohën sa ishte në opozitë kërkonin që të kemi një qeveri me Ministrat dhe deputetë pa aktakuzë”, thotë ajo.
Mbi secilin person që akuzohen me këto vepra penale, deri sa nuk ka ndonjë vendim nga gjykata ata janë të pafajshëm.
Kronika e realizuar nga Doresa Geci
