Minatorët e Trepçës në horizontin e dhjetë po e vazhdojnë grevën të mërkurën, pasi sipas tyre deri më tani nga përfaqësuesit e Qeverisë kanë marrë vetëm premtime, raporton teve1.info
Lajmin për teve1.info e bëri të ditur nënkryetari i Sindiaktës së Trepçës, Destan Kërleshi, i cili tha se deri më tani nuk ka asnjë plotësim të kërkesave të tyre nga ana e Qeverisë.
Kërleshi po ashtu theksoi se gjendja e minatorëve aktualisht është jashtëzakonisht e rëndë.
Ndërsa, sa i përket njoftimit të Trepçës për ndërprerjen e grevës nga ana e minatorëve të Artanës dhe punëtorëve të Kishnicës, Kërleshi tha se nuk e ka këtë informatë.
“Nuk kam info për Kishnicë. Gjendja shëndetësore e minatorëve është jashtëzakonisht e rëndë. Greva ende po vazhdon, nuk ka plotësim të kërkesave vetëm premtime me fjalë nga Komisioni për Ekonomi dhe Grupi Parlamentar VV”, është shprehur Kërleshi për teve1.info
