Më 2 prill do të mbahet balotazhi në zgjedhjet presidenciale në Mal të Zi, mes presidentit aktual Milo Gjukanoviq dhe Jakov Milatoviq nga Lëvizja “Evropa Tani”.
Gazetari shqiptar në shtetin malazez, Rexhep Cunmulaj vlerëson se gjasat më të mëdha për të fituar i ka opozitari Milatoviq, pasi siç thotë ai ka mbështetjen e shumicës prej partive atje.
Sipas tij, nëse Milatoviq që ka përkrahje nga partitë radikale serbe, atëherë ky i fundit i shtyrë nga këto parti mund të ndryshojë qëndrimin e Malit të Zi karshi Kosovës.
Mirëpo njohësi i zhvillimeve politike, Visar Xani shprehet skeptik saj i përket qëndrimeve për Kosovën, për shkak të presionit ndërkombëtar që i bëhet këtij shteti.
Raundi i parë i këtyre zgjedhjeve është mbajtur më 19 mars, ku Gjukanoviq ka marrë 36 për qind të votave, kurse Milatoviq ka rreth 29 për qind.
Kronika e gazetarit Lindrit Zejnullahu.
