Drejtuesit e Milanit po planifikojnë një raund të ri bisedimesh me Club Bruggen për transferimin e Ardon Jasharit.
Negociatat mes klubeve kanë ngecur pasi Brugge refuzoi ofertën e fundit të Milanit prej 35 milionë eurosh plus bonuse.
Skuadra belge insiston se Jashari nuk do të largohet nëse Milani nuk ofron 40 milionë euro, gjë që pritet ta bëjë ekipi italian ditëve në vazhdim.
Te Milani janë të bindur në transferimin e Jasharit, i cili po bën përpjekje për ta detyruar Bruggen ta shesë te skuadra italiane.
Jashari, tashmë ka refuzuar ofertat nga Ëest Ham Unitedi e Ëolverhamptoni pasi ka marrëveshje personale me Milanin, ekip që i ka ofruar kontratë pesëvjeçare me pagë vjetore prej 2.4 milionë eurosh.
22-vjeçari verën e shkuar u transferua te Brugge nga Luzerni dhe tregoi paraqitje të mira në sezonin e tij të parë në Belgjikë.
Jashari ka kontratë me Bruggen deri në verën e vitit 2029, ndërsa këtë verë ka tërhequr vëmendjen e shumë skuadrave evropiane.
