Trajneri Stefano Pioli thuhet se është nën vëzhgim nga drejtuesit e klubit pas barazimit 2-2 të Milanit kundër Salernitanas.
Sipas mediumit italian La Gazzetta dello Sport, Pioli mund të shkarkohet pas një barazimi zhgënjyes 2-2 kundër Salernitana të premten mbrëma.
Kuqezinjtë nuk kanë fituar asnjë ndeshje si mysafirë në Serie A për tre muaj dhe janë tetë pikë poshtë liderit të tabelës Interit, por rivalët e tyre të qytetit kanë një lojë më pak.
Sipas gazetës italiane, drejtuesit e Milanit nuk janë vetëm të zhgënjyer nga rezultatet, por edhe nga dëmtimet e shumta të pësuar nga lojtarët këtë sezon dhe drejtorët e klubit mendojnë se Pioli dhe stafi i tij kanë një pjesë të përgjegjësisë.
Gazeta rozë pretendon se intervista e trajnerit pas ndeshjes të premten gjithashtu nuk u vlerësua nga klubi pasi Pioli dukej shumë i nënshtruar.
Gazetari Luca Bianchin pretendon se drejtorët dhe pronari i Milanit, Gerry Cardinale tani po shqyrtojnë hapat e ardhshëm. Besohet se do të dëgjohet edhe mendimi i lojtarit për të ardhmen e Piolit.
“Vendimi përfundimtar i Cardinales mund të shkojë në një mënyrë ose në tjetrën”, ka shkruar Gazzetta dello Sport.
Daniele Longo i Calciomercato.com gjithashtu konfirmoi se Pioli është nën vëzhgim.
