Skuadra e Milanit nuk e ka ndërmend të dorëzohet për Ardon Jasharit, pasi ka vazhduar negociatat me Bruggen.
Bëhet e ditur se Jashari po bën të pamundurën për ta siguruar transferimin e tij në “San Siro” pasi dëshiron që të jetë pjesë e Milanit.
Jashari, së fundmi ka bërë një veprim tjetër në shenjë bojkoti ndaj Brugget pasi ka refuzuar të fotografohet me pjesën tjetër të ekipit për sezonin e ri.
Gjithashtu, Jashari po stërvitet me një program individual dhe thuhet se ka paralajmëruar klubin belg në lidhje me kalimin e tij te Milani.
Brugge ka refuzuar ofertën e Milanit për mesfushorin 23-vjeçar, për të cilin po kërkon të paktën 40 milionë euro.
Jashari vitin e shkuar u transferua te Brugge, ekip me të cilin ka kontratë deri në verën e vitit 2029.
