Xhamisë ia mësyu edhe qytetari Xhevat Zhitia, që nga Austria erdhi për ta festuar Bajramin në Prishtinë. Ndërkohë disa të tjerë, po i bënin përgatitjet e fundit para faljes së namazit të Bajramit.
E këtu nuk munguan, as ata që i gëzohen më së shumti kësaj feste.
Ndërkohë që gjithçka të shkonte mirë, këtu u përkujdesen Policia e Kosovës.
Në këtë mënyrë, në orën 6:09 minuta, u bë edhe falja e namazit të bajramit.
Myftiu Naim Tërnava në fjalimin kryesor, tha se festa e Fitër Bajramit është ndër momentet me të gëzueshme për myslimanët.
Ndërkohë, kishte edhe një lutje për paqen në botë.
“Kur ne sot po e festojmë të lirë Fitër Bajramin, kur ne po e shijojmë mirësitë e kësaj feste, në shumë vende të botës kemi konflikte e gjakderdhje, ku popullata e pafajshme po përballet me padrejtësi, dëbime e vrasje e shkatërrime. Nuk është ky misioni i njeriut në këtë botë…”, tha myftiu i Kosovës, Naim Tërnava.
E, njëjtë me Tërnavë, u lutën edhe xhematlinjtë.
Pas përfundimit të ceremonisë, nuk mungoi as solidarizimi me njerëzit në nevojë.
Ndërkohë në Xhaminë Qendrore në Prishtinë, të hënën nuk u pa asnjë nga krerët e shtetit.
Raporti i gazetarit Fidan Zejnullahu.
