Drejtori për Shërbime Publike, Infrastrukturë e Banim në Komunën e Gjilanit, Mentor Mihovci ka njoftuar se për ndërtimin, asfaltimin, zgjerimin e mirëmbajtjen e rrugëve, ujësjellësit, kanalizimit, trotuareve, ndriçimit publik dhe shtimin e sipërfaqeve gjelbëruese dhe terreneve sportive në vitin paraprak, u bën investime që kapin vlerën e 9 milionë eurove.
Mihovci ka thënë se prej këtyre investimeve ka edhe të përqëndruara në fshatra, në mënyrë që të kthehet perspektiva edhe në pjesët rurale.
“9 milionë e 21 mijë e 495.29 euro është vlera investimeve. Kjo po bëhet me qëllim për të krijuar jetë më e mirë për qytetarët”, tha Mihovci.
