Sipas tij, nëse shikohen dokumentet e Republikës së Kosovës del që krimet të luftës nuk ka kryer Serbia, por kanë kryer shqiptarët. Kjo për shkak të mungesës së hetimeve për krimet e luftës të kryera nga Serbia.
“Në bazë të një raporti që ne e kemi bërë si Institut i Kosovës për Drejtësi, sot nëse një akademik apo profesor kudo në botë, vjen dhe e bën një analizë për krimet e luftës në Kosovë, me dokumente të Republikës së Kosovës, i del që krimet të luftës nuk ka kryer Serbia, por kanë kryer shqiptarët. Pra, më shumë kemi persona të hetuar, të ndjekur penalisht dhe të dënuar shqiptarë të cilët kanë kryer krime luftë në Kosovë, sesa serbë”, tha ai për Tëvë1.
E për këtë çështje, Miftaraj thotë se barrën kryesore e ka PDK-ja, LDK-ja dhe AAK-ja. Sipas tij, këto parti që nga shpallja e pavarësisë së Kosovës e kanë harruar luftën dhe obligimet e tyre ndërkombëtare ndaj viktimave të krimeve të luftës.
