Kosova ka një ligj që ndalon shkuarjen e qytetarëve të saj në luftëra të huaja. Mirëpo, Kusari Lila thotë se rreshtimi i të gjithë spektrit perëndimorë në anën e Ukrainës ka bërë që të mendohet një përjashtim.
Sipas saj, kjo do të mëndohet vetëm për qytetarët që nuk janë pjesë e FSK-së dhe dëshirtojnë të inkuadrohen në luftë.
E për këtë ka reaguar Ehat Miftaraj nga Instituti i Kosovës për Drejtësi (IKD), i cili tha se Kuvendi i Kosovës nuk duhet të promovojë idenë që qytetarët e Kosovës të marrin pjesë në luftëra të huaja.
“Debati për të lejuar shtetasit e Republikës se Kosovës për të luftuar në Ukrainë, duhet të ketë parasysh se nëse Kuvendi i Kosovës shfuqizon ligjin përmes të cilit pjesëmarrja në luftëra të huaja nuk konsiderohet si vepër penale, në të njëjtën kohë duhet të lirohen të gjithë ata shtetas të Kosovës që janë dënuar për pjesëmarrjen në luftëra në Siri apo shtete tjera, përfshirë duhet të pushojnë procedurat penale për rastet që janë në procedura”, ka shkruar ai në një postim në Facebook.
Sipas Miftarajt, as nuk duhet të ketë fare debat për këtë temë.
Ai thotë se Kuvendi dhe Qeveria nuk duhet të asnjë rrethanë të propmovojnë idenë që shtetasit e Kosovës të marrin pjesë në luftera të huaja.
“Me fjale tjera, as nuk duhet të ketë fare debat për ketë teme. Kuvendi i Kosovës e as Qeveria nuk duhet në asnjë rrethanë të promovojnë idenë që shtetas të Kosovës të marrin pjesë në luftëra të huaja, kudo qofshin ato. Nëse shteti dëshiron t’i ndihmoj një shteti të caktuar për të qenë pjesë e aleancave të shteteve demokratike për të mbrojtur vlerat njerëzore, le të bëj në mënyrë institucionale, qoftë përmes ndihmës financiare dhe humanitare sipas mundësive që ka në dispozicion”, tha ai. /teve1.info/
