Presidenti i Këshillit Evropian, Charles Michel, në Samitin e Procesit të Berlinit që po mbahet në Tiranë është deklaruar lidhur me marrëdhëniet mes Kosovës dhe Serbisë.
Michel, ka deklaruar se marrëdhëniet mes të dyja palëve duhet të shkojnë drejt përparimit, raporton teve1.info
“Nuk mund të lëmë konfliktet dy palëshe të na mbajnë peng, zgjidhja e tyre mund të jetë më e dhimbshme se reforma që duhet bërë. Mos i lini fantazmat e të shkuarës të ju vjedhin të ardhmen. Në fakt, tensionet mes Kosovës dhe Serbisë e kanë sjellë sërish këtë në vend të parë”, ka deklaruar ai.
Tutje ai është shprehur se nuk ka asnjë bashkëpunim pa pajtim.
“Nuk ka asnjë bashkëpunim pa pajtim, nuk ka një të ardhme të qëndrueshme pa pajtim dhe të gjithë e dimë, pajtimi kërkon kurajo politike dhe fokus të sinqertë tek e ardhmja”, deklaroi Michel./teve1.info/
