Legjenda argjentinase Lionel Messi, raportohet se nuk dëshiron që të luajë në ndeshjen e ardhshme të Inter Miamit.
Në verën e vitit 2023, Messi ia ktheu shpinën futbollit evropian pas një karriere të bujshme tek Barcelona dhe Paris Saint-Germaini.
Tetë herë fituesi i Topit të Artë u transferua në MLS tek Inter Miami, të cilët janë në pronësi të ish-futbollistit të famshëm David Beckham.
Që prej se u transferua në Miami, Messit iu bashkuan edhe disa ish-bashkëlojtarë të tij si Luis Suarez, Sergio Busquets dhe Jordi Alba.
Inter Miami pritet të takohet me Sporting Kansas City mbrëmjen e së martës në kuadër të CONCACAF Cup.
Ndeshja pritet që të luhet sipas orarit pavarësisht sugjerimeve se temperaturat do të jenë shumë të ulëta, diku rreth –15 gradë celsius.
Para ndeshjes, është bërë me dije se Messi nuk është aq i etur për të luajtur në atë sfidë.
“Burime më kan bërë me dije se Lionel Messi nuk dëshiron të luajë në atë acar të madh të martën ndaj Sporting Kansas City”.
“A do të luajë apo jo nuk është caktuar ende, por ka një shans se Messi nuk do të paraqitet në këtë ndeshje”, ka thënë gazetari Franco Panizo.
