Real Madridi e ka mposhtur RB Salzburgun me rezultatin 3-0 në një fitore sensacionale në Kupën e Botës për Klube.
Reali si lider i grupit e ka mësuar edhe rivalin në të tetën e finales. “Los Blancos” luajnë kundër Juventusit më 1 korrik, në njërën nga sfidat kryesore të fazës së nokautit.
Ndeshje tjetër interesante e fazës së dytë të Kupës së Botës për klube do të zhvillohet edhe ndërmjet Paris St Germainit, fituesit të Ligës së Kampionëve dhe Inter Miamit të Lionel Messit.
Për argjentinasin kjo është përballja e parë kundër ish-skuadrës për të cilën luajti për dy sezone.
Ndeshjet e së tetës së finales nisin nga 28 qershori, me dy përballje interesante.
Nga ora 18:00 ndeshen dy ekipet braziliane Palmeiras – Botafogo, ndërsa nga ora 22:00 luhet Benfica – Chelsea.
Më 29 qershor do të zhvillohen dy ndeshjet e tjera, PSG – Inter Miami dhe Flamengo – Bayern Munchen.
Më 30 qershor do të luhet vetëm ndeshja Inter – Fluminense, derisa në ditën e parë të korrikut edhe dy ndeshje të tjera: Manchester City – Al-Hilal dhe Real Madrid – Juventus.
Ndeshja e fundit e një të tetës së finales, hedh përballë Borussia Dortmundin kundër Monterrey, që luhet më 2 korrik.
Fituesit e këtyre përballjeve, luajnë në çerekfinale e cila zhvillohet më 4 dhe 5 korrik.
Ndeshjet gjysmëfinale më 8 dhe 9 korrik, derisa Finalja e Kupës së Botës për Klube zhvillohet më 13 korrik në New Jersey.
