34-vjeçari do të shqyrtojë të ardhmen e tij pas Kupës së Botës, e cila mbahet në Katar.
Lionel Messi pranon se nuk është i sigurt për të ardhmen e tij dhe do të ketë shumë vendime për të marrë parasysh pas Kupës së Botës.
Ylli argjentinas e udhëhoqi kombin e tij drejt trofeut të tij të parë të madh ndërkombëtar vitin e kaluar duke fituar titullin e Copa America.
Ky sezon ka qenë i vështirë për të, pasi ka pasur vështirësi për t’u ngritur në formën e tij që kur iu bashkua Paris Saint-Germain nga Barcelona.
34-vjeçari mund të vendosë t’i japë fund karrierës së tij me Argjentinën këtë vit, por do të presë deri pas Kupës së Botës në Katar përpara se të bëjë zgjedhjen.
Pas fitores 3-0 të ekipit të tij kundër Venezuelës, Messi foli për të ardhmen e tij ku tha:
“Unë me të vërtetë nuk e di. Mendoj për atë që po vjen, e cila është shumë afër, [ndeshja kualifikuese kundër] Ekuadorit, ndeshjet përgatitore në qershor dhe shtator. Pas Kupës së Botës do të më duhet të rimendoj shumë gjëra, nëse do të shkojnë mirë apo keq”, tha Messi.
Messi shënoi golin e tretë të skuadrës së tij teksa mposhtën Venezuelën në ndeshjen kualifikuese të Kupës së Botës, derisa ky ishte edhe goli i tij i 81-të në 158 paraqitje për kombëtaren e tij. Argjentina ndodhet në vendin e dytë në grup, katër pikë prapa Brazilit.
/Tëvë1/
