Futbollisti spanjoll, Dani Olmo, nuk ka asnjë interes për t’iu bashkuar Manchester City-t në Premier League.
Skuadra e Guardiolës është hedhur në merkato për një mesfushor të ri përpara mbylljes së afatit kalimtar veror (më 1 shtator).
Pep Guardiola po kërkon një zëvendësues të denjë për Kevin De Bruyne, i dëmtuar në ndeshjen e parë të kampionatit.
Interesi për “yllin” e West Hamit, Lucas Paqueta, është zbehur ditët e fundit, me Guardiolën që i ka hedhur sytë drejt Dani Olmos.
Megjithatë, pavarësisht zërave për një lëvizje në Premier League, Olmo ka këmbëngulur se ai është i fokusuar vetëm në suksesin te Leipzigu.
“Nuk ka asgjë me Manchester City-n. Jam i fokusuar në punën time te Leipzigu, në Bundesligë, Champions dhe Kupë. City është një nga skuadrat më të mira në botë, Gvardiol shkoi atje, por unë jam i lumtur këtu”, ka theksuar Olmo.
Olmo shënoi një tregolësh të jashtëzakonshëm në fitoren 3-0 në finalen e Superkupës së Gjermanisë kundër Bayernit, si dhe në humbjen në fillim të sezonit të Bundesligës ndaj Bayer Leverkusenin.
