Muharrem Jashari mund të kalojë në kampionatin austriak, dhe të bashkohet me dy futbollistët shqiptarë te kjo skuadër, Valon Berisha e Art Smakaj.
Ky i fundit, 22-vjeçari Smakaj, sapo ka kaluar te skuadra nga qyteti i Linzit, duke lënë Lokomotivën e Zagrebit.
Portali austriak “90minuten.at” shkruan se në listën e lojtarëve të mundshëm që pritet të transferohen te LASK Linz, është edhe mesfushori i Kosovës, që luan në Ukrainë te skuadra LNZ Cherkasy.
Jashari kishte kaluar vitin e kaluar nga Drita në kampionatin ukrainas, ndërsa sapo e ka vazhduar kontratën me Cherkasy.
Jashari ishte shpallur futbollisti më i mirë i ekipit ukrainas për sezonin e kaluar me 29 paraqitje, duke realizuar 5 gola dhe duke asistuar në gjashtë të tjerë.
Vetëm pak ditë më parë, gjatë fillimit të përgatitjeve për sezonin e ri, ai e ka marrë fanellën me numrin 10 te LNZ Cherkasy.
