Blerjen e ilaçeve e gjerave ushqimore e ka të vështirë të sigurojë.
Marigona Dibrani në banesën e saj në Hajvali të Prishtinës jeton me 4 motrat dhe nënën e saj. Jeta iu mori drejtim tjetër familjes Dibrani pas vdekjes se burrit të vetëm në shtëpi.
23-vjeçarja e cila tani ka të gjithë barrën e shtëpisë tregon për jetën e familjes së saj mes varfërisë e sëmundjes.
“Jena gjashtë anëtarë të sëmurë, nënën e kam të sëmurë, baba me ka vdekë, po heki për harxh për ilaçe. Për tri motra marrë nga 100 euro, por çka me bo me 300 euro”, shprehet ajo për Tëvë1.
Si 23-vjeçare u detyrua të marrë të gjitha përgjegjësit e shtëpisë, pas vdekjes së babait. E lotët nuk mund t’i mbajë derisa rrëfen për jetën e saj.
“Me jetua ketë jetë është ma zor se kur se ke babën se nuk ke as me çka e blen harxhin, as nuk ke me çka blen kokrrat. Kur se ke babën boll zor vallahi”, u shpreh Marigona.
Dibrani, e cila është e aftë për punë disa herë ka kërkuar, por përgjigjet çdo herë ishin negative.
“Kemi kërkuar punë por s’po na marrin po na qesin prej derës, ku me shku e ku me u anku”.
Për të gjithë njerëzit e vullnetit të mirë, ajo kërkon që të ndihmojë sa do pak më mjetë financiare që paguan shpenzime që lanë.
Banesa në të cilën jetojnë që më shumë se shtatë vjet iu është dhuruar nga donatorët.
