Adnan Merovci, ish-bashkëpunëtor i Ibrahim Rugovës ka thënë se pozita është fituese e zgjedhjeve dhe ajo duhet që të provojë që ta krijojë Qeverinë.
Ai tha se nëse kjo nuk realizohet atëherë t’ia lëshojë rrugën opozitës.
Tutje, Merovci tha se edhe pozita dhe opozita duhet që të sillën si burrështetas në pushtetin e shtetit të Kosovës.
“Unë mendoj që eksponentë të politikës së sodit duhet ta kenë parasysh krejt këtë ecuri të këtij populli dhe të sillën si burrështetas secili dhe të marrë përgjegjësitë e veta prej një burrështetasi. Sot nuk e kemi Serbinë mbi kokë edhe fizikisht le të themi sot e kemi NATO, lirin e Kosovës, pavarësinë dhe jemi jemi shqiptarët që kemi dhënë provime të shtetësisë… Pozita i ka fituar zgjedhjet prapë e ka përgjegjësinë e krijimit të Qeverisë. Le të ngutet le të krijojë Qeverinë. Nëse kjo nuk realizohet le t’ia lëshojë rrugën opozitës. Por, edhe opozita edhe pozita të dyja palët duhet të sillën shtetësisë për pushtetin e shtetit të Kosovës”, ka deklaruar ai në emisionin “Info Nata” në Tëvë1.
