Në Superligë vazhdon ndarja e çmimit “YLLI I JAVËS” nga FFK-ja.
Ky çmim për xhiron e 30-të në Superligë i ka takuar futbollistit të KF Dukagjini (Klinë), Altin Merlaku.
Kapiteni i skuadrës klinase pati paraqitje të shkëlqyeshme në fitoren që ekipi klinas e arriti para tifozëve të vet kundër Gjilanit, me rezultat 2:0.
Mërlaku realizoi të dy golat në fitoren tejet të rëndësishme të skuadrës së Armend Dallkut në luftën për mbijetesë.
Ai shënoi dy herë brenda tre minutash, duke e vendosur çështjen e fituesit, në minutat 33 dhe 36, nderisa gjatë tërë ndeshjes u dallua me angazhim dhe kreativitet.
Pas kësaj fitoreje Dukagjini i rrit shpresat për t’iu shmangur pozitës që dërgon në barazh. Aktualisht ka 36 pikë, aq sa ka edhe Drenica në pozitën e 7-të. /Tëvë1/
