Paratë për blerjen e mobileve për banesën e re i kishte vendosur në dollapin e kësaj dhome.
Afër 25 mijë euro, Sherif Nuredini i kishte ruajtur në banesën e tij në Shtime që nga muaji gusht.
Por disa ditë para se të kthehej në Zvicër ai kishte vërejtur se paratë i mungonin.
“Paret në momentin që e kam vërejtur është qitash me 19 tetor, e kur i kam lan është me 22 gusht, pra jam nis për Zvicër, shuma totale ka qenë 25000 euro, prej tyre 200 pata marrë dhe kanë mbetur 24 mijë e 800 euro edhe këtë e kam vërejtur shumë vonë pasi në këto dy tri ditë nisna për Zvicër”, është shprehur Nuredini.
Në momentin që e kishte vërejtur se paratë nuk ishin në vendin ku ai i kishte lënë, Nuredini lajmëroi menjëherë Policinë e Kosovës.
E dyshimet për vjedhje Nimani i ka në një familjar të rrethit të ngushtë.
“Në bazë të informatave që kam unë nga fshati dyshova në njëzë të afër familjar dhe insistova nga personi që nëse e ka bo të me thotë zotëri unë jam edhe unë e nderprejsha aty, por rezultati ishte që unë nuk jam dhe nuk pranoi kurgjo, pra këtu nuk kam dyer të thyne pra ka hy dikush i rreth familjar të ngushtë”, ka thënë tutje Nuredini.
65 vjeçari tregon arsyet se pse kishte lënë paratë në banesë dhe nuk i kishte deponuar në bankë.
“Unë paret i kam lan në banese se e kam marrë një banesë tjetër përballë kësaj ku jemi edhe pronari i dnëertimi me pat than që bëhet brenda këtij viti dhe paret i kam sjellë me dokumente për me investu për mobilje dhe kështu pra nuk pata nevojë me kthy në Zvicërr apo me me qu në bankë se thahs si të vijë i blej”, ka theksura Nuredini.
Policia e Kosovë këtë raste e ka cilësuar si vjedhje e rëndë. Madje , në rast janë përfshirë njësitë rajonale të Hetimeve të Ferizajt.
“Në vendin e ngjarjes nuk janë vërejtur shenja të thyerjes, dëmtime apo gjurmë të tjera që do të tregonin hyrje me forcë në banesë.Njësiti e hetimeve rajonale është kyçur në hetime, është njoftuar prokurori i shtetit dhe me autorizim të tij po ndërmerren të gjitha veprimet hetimore të nevojshme për zbardhjen e rastit” është shprehur zëdhënësi i policisë në rajonin e Ferizaj, Kanun Veseli.
Nuredini ishte përballur edhe më parë me një rast të vjedhjes.
Prandaj, dyshimet ai i ka tek personi i njëjtë, që dyshohet të jetë autor i vjedhjes së afër 25 mijë eurove.
