Një person është arrestuar nga Policia e Kosovës, pasi që i njëjti dyshohet për veprën penale “Dhunim”.
I arrestuari, dyshohet se në qershor ka ardhur nga Zvicra bashkë me të dashurën e tij 16-vjeçare me nënshtetësi turke.
Policia në raportin ditor ka bërë të ditur se me vendim të prokurorit viktima është strehuar në strehimore, ndërsa i dyshuari është dërguar në mbajtje.
“Është arrestuar i dyshuari mashkull kosovar, pasi që i njëjti me datën e lart-cekur kishte ardhur nga Zvicra në shoqëri me të miturën (të dashurën e tij-16 vjeçare ) shtetase turke. Palët janë intervistuar dhe me vendim të prokurorit është cilësuar rasti dhe viktima është strehuar në strehimore përkohësisht, ndërsa i dyshuari është dërguar në mbajtje”, thuhet në njoftim./teve1.info/
