Sulmuesi Mërgim Berisha do të rikthehet te skuadra e Augsburgut pas një viti e gjysmë.
Mediumet gjermane kanë raportuar të martën se Augsburgu ka arritur marrëveshje me Hoffenheimin për transferimin e Berishës, i cili do të zyrtarizohet brenda kësaj jave.
Berisha nuk bën pjesë në planet e Hoffenheimit, ndërsa Augsburgu ka mposhtur konkurrencën e fortë të Ëerder Bremenit, Mainzit dhe Union Berlinit për shërbimet e tij.
26-vjeçari ka kontratë me Hoffenheimin deri në vitin 2027 dhe Augsburgu pritet të paguajë rreth 7 milionë euro për kartonin e tij, përgjysmë më lirë se sa e shiti në verën e vitit 2023.
Berisha këtë sezon ka shënuar 1 gol dhe ka bërë 1 asistim në 11 paraqitje në kampionatin gjerman.
