Menaxhmeti i “Trepçës” ka suspenduar nga puna përkohësisht punëtorët e “Trepçës” Ibrahim Jonuzi, Fevzi Ademi, Destan Kërleshin, Gani Osmanin dhe Esat Mehën.
Tëvë1 ka mësuar se vendimi është marrë nga menaxhmeti i “Trepçës”.
Dje, menaxhmenti i Trepçës publikoi pamje të punëtorëve, ku sipas tyre shihet qartë sabotimi dhe bojkotimi i punës.
Sot është dita e shtatë prej kur minatorët e minierës me flotacion kanë hyrë në grevë. Ata po kërkojnë realizimin e pagës mujore me kohë teksa kërkojnë edhe sigurimin e kushteve të punës. Për këto kërkesa ata po kërkojnë garanci me shkrim.
Minatorët kanë hyrë në grevë si shenjë proteste për vonesat që po u bëhen në ekzekutimin e pagave.
Kërkesat e tyre janë realizimi i pagës nga data 6 deri me datën 10 të çdo muaji, dorëheqja apo shkarkimi i u.d i kryeshefit, Enis Abdurrahmani dhe kërkesa për sigurim shëndetësor dhe përmirësimin e kushteve./teve1.info/
