Ish-kryetari i PDK-së, Memli Krasniqi, ka njoftuar se në zgjedhjet e 28 dhjetorit nuk do të jetë në garë për deputet.
Krasniqi do të jetë udhëheqës i Shtabit Zgjedhor të PDK-së në zgjedhjet e dhjetorit.
“Sot, me vendim të Kryesisë së Partisë Demokratike të Kosovës, kam marrë përsipër përgjegjësinë për të udhëhequr fushatën zgjedhore të partisë, si Shef i Shtabit Qendror Zgjedhor, në rrugën tonë drejt fitores më 28 dhjetor. Këto zgjedhje janë mundësi për t’i rikthyer vendit normalitetin, stabilitetin dhe zhvillimin. PDK hyn në këtë proces më e përgatitur, e bashkuar dhe shumë e gatshme për t’i dhënë vendit drejtimin që meriton. Në këtë fushatë, do të jem plotësisht në shërbim të fushatës sonë, të ekipit, të strukturave dhe të fitores sonë të përbashkët. Prandaj, pas shtatë mandateve si deputet i Kuvendit të Kosovës, këtë herë kam vendosur që të mos jem pjesë e listës tonë zgjedhore”, shkroi Krasniqi në Facebook.
Krasniqi ishte shtatë mandate deputet i Kuvendit të Kosovës.
Ai javë më parë dha dorëheqje nga posti i kryetarit të PDK-së.
