Përmes një postimi në llogarinë e tij në Facebook, Krasniqi ka shkruar se e përkujton me krenari guximin dhe sakrificën e Komandant Kumanovës.
“Sot, në përvjetorin e rënies së heroit të Kosovës, Ismet Jasharit – Komandant Kumanova, ishim për homazhe në Kompleksin Memorial në Kleçkë, aty ku prehen në paqen e përjetshme, të pavdekshmit e kombit, heronjtë dhe dëshmorët tanë.
Komandant Kumanova i takonte radhëve të para të çlirimtarëve që kishin bërë betimin për lirinë e qytetarëve tanë.
Sot, të lirë në Kosovën e idealit të Ismetit, përkujtojmë me krenari guximin dhe sakrificën e Komandant Kumanovës.
Lavdi, përjetësisht, jetës dhe veprës heroike të Ismet Jasharit! Lavdi heronjve, dëshmorëve dhe martirëve të lirisë!”, ka shkruar Krasniqi.
