Sylejman Meholli, kandidat i Lëvizjes Vetëvendosje për kryetar të Vushtrrisë, ka thënë se nëse merr mandatin e qytetarëve për të udhëhequr komunën, prioritet kryesor do të jetë çështja e furnizimit me ujë.
Ai ka thënë se shumica e fshatrave por edhe qyteti kanë probleme me furnizim me ujë të pijshë,
“Në tavolinën time të punës, sy kryetar i ardhshëm i Vushtrrisë, nuk vendos asnjë prioritet para çështjes së furnizimit me ujë. Ka më tepër se një dekadë që është ndërtuar fabrika e ujit që ka kapcitet për 30 vitet e ardhshme me furnizua Komunën e Vushtrrisë. Do të ndajmë buxhetin për me kriju stacione të pompimit, do të funksionalizojmë rrjetin aty ku është që disa vite e nuk shkon uji”, është shprehur ai.
Meholli në emisionin “Këndi i Debatit” ka thënë se do ta zgjidh çështjen e Stacionit të Autobusëve dhe do ta kthejë në funksion trafikun publik.
Ai poashtu ka premtuar se për katër vjet do të ndërtojë gjashtë çerdhe publike.
“Ne do të zgjedhimin çështjen Stacioni i Autobusëve dhe trafikun publik. Me 1 milion e gjysmë e ndërtojmë edhe stacionin edhe linjat e trafikun publik. Sigurojmë qytetarët që brenda mandatit tonë do të ndërtojmë gjashtë çerdhe të reja, katër në bashkësitë lokale dhe dy çerdhe të reja në qytet”, tha ai.
