Kim Mehmeti, shkrimtar e publicist ka thënë se nëse nuk arrihet krijimi i një qeverie stabile, LVV si parti fituese duhet ta qojë vendin në zgjedhje.
Ndonëse zgjedhjet po përmenden si mundësi pas dështimit të konstituimit të Kuvendit në pesë seanca, Mehmeti ka thënë se shkuarja në zgjedhje do t’i shuante disa parti politike.
“Duhet një qeveri sa më stabile dhe nëse kjo nuk do të realizohet unë të kisha qenë drejtues i Vetëvendosjes do të shkoja në zgjedhje të parakohshme. Ta shohim në fund të fundit si thotë e treta. Ose LVV-ja të forcohet aq mirë sa që këto (paritë opozitare) ta shohin që kot e kanë e luftojnë, ose të dobësohet të shkrihen. Normalisht që popullin e lodhë me zgjedhje, mirëpo i jep një mundësi që ai ta shprehë hidhërimin e vet, tashti e shprehin hidhërimin e vet politikanët. Ta shohim ku do të qojë inati i votuesit edhe ajo e legjitimon lojën ma mirë. Unë mendoj se në zgjedhjet e reja, disa parti opozitare defitinivisht do të shkrihen”, ka thënë Mehmeti në “Këndi i Kimit” në Tëvë1.
Ai ka përmendur se një nga partitë që mund të ketë rënie të madhe është LDK-ja. Ai ka thënë se LDK mund të bie në nivelin e AAK-së.
