E pas miratimit të dy projektligjeve për Forcën e Sigurisë së Kosovës, përmes një postimi në Facebook, ka reaguar ministri i Mbrojtjes, Armend Mehaj duke thënë se këto projektligje janë vazhdimësi e punës së Qeverisë së Kosovës, Ministrisë së Mbrojtjes dhe Kuvendit.
Sipas tij, një ushtri e mirëorganizuar është ajo ushtri që ka mekanizma të brendshëm funksional rregullues dhe mbikëqyrës të punës, shkruan teve1.info
“Në kuadër të kësaj, për ushtri të disiplinuar dhe për pjesëtarë shërbimi i të cilëve ndaj atdheut vlerësohet, gjatë seancës së sotme parlamentare u votua shqyrtimi i dytë i Projektligjit për Policinë Ushtarake në Forcën e Sigurisë së Kosovës si dhe shqyrtimi i parë për Komisionerin Parlamentar. Këto dy projektligje janë vazhdimësi e punës së Qeverisë së Republikës së Kosovës, Ministrisë së Mbrojtjes dhe Kuvendit për të përmbushur objektivat tona të një ushtrie që plotëson standardet Euro-Atlantike, e vendosur drejt rrugës për anëtarësim në NATO”, ka shkruar ai.
