Përmes një postimi në Facebook, Mehaj njofton se me Wallander, kanë diskutuar rreth anëtarësimit të Kosovës për t’i shërbyer paqes dhe sigurisë globale përmes anëtarësimit në A-5 dhe iniciativave të tjera rajonale, përcjellë teve1.info.
“Republika e Kosovës e gatshme t’i bashkohet Kartës së Adriatikut! Në takim me Ndihmës Sekretaren e Mbrojtjes të ShBA-së për Çështjet Ndërkombëtare, znj.Celeste Wallander, diskutuam rreth gatishmërisë së Republikës së Kosovës për t’i shërbyer paqes dhe sigurisë globale përmes anëtarësimit në A-5 dhe iniciativave të tjera rajonale, gjithmonë në koordinim të plotë me aleatët tanë evropian dhe Shtetet e Bashkuara të Amerikës”, ka shkruar Mehaj.
Po ashtu Mehajr ka bërë të ditur se me sekretaren amerikane ka diskutuar rreth avancimit të FSK-së.
“Po ashtu diskutuam rreth avancimeve të FSK-së në implementimin e Planit të Përgjithshëm të Tranzicionit, gatishmërisë për bashkëzbarkime përkrah ushtrive të shteteve partnere, ofrimin e mbështetjes për popullin ukrainas, zbatimin e planit bilateral me ShBA-të, dhe përmbushjen e qëllimit të Republikës së Kosovës për anëtarësim në NATO dhe BE”, ka shtuar ai tutje.
