Mehaj tha se me rastin janë duke u marrë organet e sigurisë dhe drejtësisë.
Sipas tij, i dyshuari do të trajtohet edhe sipas rregulloreve dhe ligjeve të MB-së dhe Forcës së Sigurisë.
“Tani u njoftova se në rastin që ka ndodhur në Shtërpcë është përfshirë një pjesëtar i Forcës së Sigurisë së Kosovës. Me rastin janë duke u marrë organet e sigurisë dhe drejtësisë. I njëjti do ta trajtohet edhe sipas rregulloreve dhe ligjeve që kemi në fuqi në Ministrinë e Mbrojtjes dhe Forcës së Sigurisë”, ka shkruar ai në një postim në Facebook.
Mehaj u ka uruar shërim të shpejt të plagosurve.
“Shpreh keqardhjen më të thellë për atë që ka ndodhur në Shtërpcë. Të plagosurve, u uroj shërim sa më të shpejtë. Raste si kjo janë të izoluara, por si të tilla nuk guxojnë të ndodhin. Ministria e Mbrojtës dhe Forca e Sigurisë së Kosovës mbeten të përkushtuar për t’i shërbyer qytetarëve tanë pa dallim”, tha më tej Mehaj.
Policia sot bëri të ditur se një 11-vjeçar dhe një 21-vjeçar janë plagosur në fshatin Drajkovc të Shtërpcës. Ndërsa, pak kohë më vonë është arrestuar personi i dyshuar për plagosjen e tyre. Sipas njoftimit të PK-së, i dyshuari është i moshës 33-vjeçare. /Teve1.info/
