Ministri i Mbrojtës, Armend Mehaj, ka mbajtur takim me stafin e lartë të Ministrisë së Mbrojtës, zyrtarët civilë, këshilltarët bilateral dhe të Ekipit Këshillues dhe Ndërlidhës së NATO-s (NALT) rreth operacionit të kërkim-shpëtimit në Turqi.
Mehaj ka bërë të ditur se ende po operon kontingjenti i specializuar i FSK-së në provincën Hatay, që është rajoni më i prekur nga tërmeti shkatërrimtar.
Ministri përmes një postimi në Facebook ka njoftuar se deri më tani profesionistët në fushën e kërkim-shpëtimit kanë shpëtuar katër persona, ndërsa po vazhdojnë kërkimet për të mbijetuarit e mundshëm në rrënojat e ndërtesave, së bashku me ekipet turke dhe forcat e shteteve të tjera.
“Urojmë që të ketë të tjerë të mbijetuar, ndërsa pjesëtarët tanë të vazhdojnë me vullnet e përkushtim kërkimin dhe shpëtimin e tyre”, është shprehu Mehaj.
