Megzon Visoka është trajner i ri i Besës së Pejës, ekip që bën gara në Ligën e Parë të Kosovës në futboll.
Visoka të enjten ka arritur marrëveshje me ekipin pejan, përpara se ti bashkohet në Durrës për fazën përgatitore.
Mësohet se Visoka me Besën ka firmosur kontratë për një vit e gjysmë, ndërsa në këtë post ka zëvendësuar Fisnik Gashin.
Visoka e njeh mirë kategorinë e dytë të futbollit kosovar, pasi ka drejtuar shumë skuadra, përfshirë edhe Drenicën në këtë sezon.
Nën drejtimin e tij, Drenica nuk kishte asnjë humbje kur Visoka papritmas u largua nga kjo skuadër pas xhiros së tetë.
Besa e ka mbyllur stinorin vjeshtor në Ligën e Parë në pozitën e gjashtë në tabelë me 19 pikë të mbledhura pas 14 xhirove të luajtura.
