Një koreografi nga tifozët mitrovicas “Torcida” ishte në palestrën “Minatori”, në lidhje me ngjarjet e fundit në veriun e Kosovës, ku fatkeqësisht mbeti i vrarë një polic i Republikës së Kosovës, por që u ndalua të shfaqej nga Policia e Kosovës.
Mirëpo, kjo koreografi ka tërbuar mediet serbe, të cilët këtë veprim po titullojnë si skandaloz, ndonëse ka vite e vite që në kampionatet e tyre shfaqin ëndrra optike dhe pano nacionaliste kundër Kosovës.
Njëra nga mediet serbe“Kurir.rs” e vlerëson si skandaloz veprimin e tifozëve mitrovicas.
“Një skandal i madh ka ndodhur në Kosovë e Metohi, tifozët e Trepçës kanë qenë në qendër të vëmendjes”, është titulli i një shkrimi të publikuar në këtë medium. Derisa po në këtë artikull në këtë apelohet që të merren masa për këtë veprim nga organet ndërkombëtare, por prapë po harrojnë që organet ndërkombëtare nuk kanë dënuar as ekipet e tyre për “iluzione optike” që shfaqin në ndeshjet e tyre.