Zyra e Medias e Qeverisë së Gazës ka thënë se kequshqyerja akute në Gaza ka prekur më shumë se 65,000 fëmijë të cilët janë shtruar në spital nga gjithsej 1.1 milion që po përballen me uri të përditshme.
Zyra ia ngarkoi përgjegjësinë e plotë Izraelit për përkeqësimin e katastrofës humanitare dhe për “rrezikimin e jetës së qindra mijëra fëmijëve, grave dhe të moshuarve për shkak të mungesës së ushqimit, ilaçeve dhe ujit të pastër”.
Izraeli po “përdor urinë dhe etjen si armë sistematike lufte kundër civilëve, në shkelje flagrante të ligjit ndërkombëtar humanitar”, tha zyra në një deklaratë, raporton Anadoly.
Ata bënë thirrje për rihapjen e menjëhershme dhe pa kushte të të gjitha kalimeve kufitare në Gaza për të lejuar hyrjen urgjente të ndihmës humanitare, shtesave ushqimore dhe furnizimeve mjekësore, veçanërisht për fëmijët dhe pacientët në gjendje kritike, “për të shpëtuar jetë dhe për të ndaluar kolapsin katastrofik humanitar”.
Që nga 2 marsi, Izraeli ka mbajtur të mbyllura kalimet kryesore të Gazës, duke ndërprerë furnizimet me ushqim, mjekësi dhe humanitare, duke çuar në një përkeqësim të paparë të kushteve humanitare, sipas raporteve të organizatave të të drejtave të njeriut.
Ushtria izraelite e rifilloi sulmin e saj në Gaza më 18 mars, duke thyer një armëpushim dhe marrëveshje shkëmbimi të të burgosurve të 19 janarit.
