Mes pluhurit dhe vapës përvëluese, Gëzim Selmani doli nga kjo kaldajë.
Që nga e enjtja e deri në orët e vona të se dielës, ai së bashku me kolegët punuan brenda bllokut A5, për të rikthyer funksionalizimin e tij në Termocentralin “Kosova A”.
E puna në kaldajë që është disa metra e thellë, nuk ishte aspak e lehtë për Selmanin
“Puna ka qenë e lodhshme padyshim është sfiduese, ngarkuese sidomos në këto temperatura që janë tash, edhe plus temperaturat që janë brenda që afektohen nga pluhurat e ndryshme nga gazat, prej rrezikshmërisë që e kemi. Por kur e arrit një suksese që tani sikurse sot që kemi ristartu me bllokun e 5 është qëllimi ia arritur”, ka thënë Selimani.
Pas punës në kushte të vështira, 45 vjecari doli me rroba të grisura e në gjendje aspak të mirë.
“Vlen të ceket që kur jam dal nga ajo dritarja, dera që i themi ne, kur kam qenë brenda është hapësira e ngushtë edhe ka pengesa të shumta nëpër gypa edhe mandej teshat kapen, zhveshën, shkepen , edhe masen që e kisha brenda u demtua shumë dhe u mbush gazra që afektohen në organizëm edhe kum hudhe brenda”, shtoj tutje Selimani.
Ndonëse për herë të parë u pa në publik, kjo nuk është hera parë që Selmani ka hyra brenda këtyre blloqeve të Termocentralit “Kosova A”.
Që 26 vite që punon në KEK, ai thotë se për shkak të prishjeve është dashur të bëjë këtë punë me qindra herë.
“Në atë pjesën ku punojë shumë herë ndodhë tre katër herë brenda muaji, e brenda vitit është periudhë e pa numëruar, hyjmë ne. Blloqet janë pak të vjetruar janë bërë disa investime por ka nevojë ende për investime sidomos në Kosovën A“, ka thënë Selimani
E video e publikuar, sipas Selmanit shpërfaq kushtet me të cilat punojnë punëtorët e KEK-ut.
“Unë që 26 vjet jam në termocentralin A, është një përvojë e dukshme që e kam bërë aty me një kujdes të shtuar për ndryshe ka rrezikshmëri tej mase edhe video që është përhap nuk është përhap me ngjyrime politike por që ta sheh opinioni, ta sheh populli, ta sheh menaxhmeni, drejtorët tanë që shumë herë nuk po kemi vlerë e as respekt”, përfundoj Selimani.
Slemani kërkon që të përmirësohen kushtet e punës së punëtorëve si dhe të ketë rritjet pagave, për punëtorët që çdo ditë përballen me rrezik për ta mbajtur dritën ndezur në vend.
