Para objektit të KEDS-it ai ka ngritur parullën “Me pare të tatimit blejnë rrymë të Martinit”.
Ndryshe para disa ditësh deputeti i PDK-së, Ferat Shala kishte thënë se po bëhet lobim i skajshëm për të favorizuar importin e energjisë, e sidomos kompaninë GEN dhe ato të lidhura me ambasadorin Martin Berishaj.
“Ka një lobim të skajshëm për t’i krijuar favore kompanive për import. Sot aferat korruptive janë në piramidën më të lartë të shtetit dhe hapur e themi që është lobim korruptim për të sabotuar prodhimin vendor energjetik që varësia energjetike të jetë ashtu siç nuk duhet të jetë. Kjo kompani është GEN-i, linjat e Martin Berishajt deri tek Albin Kurti. Kjo është e faktuar, nuk kemi asnjë dilemë”, ka thënë Shala.
Sipas tij, për këtë ka edhe fakte.
“Është e faktuar tërheqja e parave kesh, për këtë ka fakte, faktet e dëshmojnë financimin e këtyre linjave dhe fakte që tregojnë se sabotimi në remontin e B dhe zvogëlimi i kapacitetit prej 50 megavatë, pikërisht ka kriju humbje ditore prej 150 mijë euro Kosovës që duhet t’i importojë. Kur ia shtojmë kësaj që edhe A-ja është në remont që 1 vjet, është sabotim për të kriijuar favore këtij rrjeti të dyshimtë shumë dhe në dëm të ekonomisë së vendit”, ka shtuar Shala në emisionin Ditari në Tëvë 1.
