Në dhjetë vitet e fundit paga mesatare bruto në vend u rrit për vetëm 138 euro.
Niveli i pagave më të larta shihet të jetë tek sektori i ndërmarrjeve publike, derisa më keq ndërvite po qëndron sektori privat.
Sipas Agjencisë së Statistikave të Kosovës në këtë sektor, paga mesatare bruto gjatë vitit 2022 ishte 473 Euro, derisa në vitin 2021 ishte 419 euro, pra pati një rritje prej 54 eurosh.
Kryesindikalisti, Jusuf Azemi thotë se fakti se në vend ka pagë rreth 170 euro, si çështje vazhdon të mbetet shqetësuese.
“Kjo është tek ne një qështje më shqetësuese sepse edhe sot kemi një pagë 170 euro, un e di që enti statistikor i Kosovës shpehëherë jep që paga mesatare për punëtorët e sektorit privat është 386 euro, mirëpo me të dhënat që ne i kemi nuk korespodon me ta. Më së këqti me paga janë ato kompani dhe ata punëtorë që kryejnë shërbime për institucionet shtetërore, këto paga sillen prej 250-270 që është tmerr mund të themi ana e nivelit më të ulët, e që kemi që paguhen nën 170 euro, ndërsa niveli pak më i lartë është niveli i ndërtimtarisë ka një rritje të mjaftueshme…”, thotë Azemi.
Ndërkohë, edhe qytetarët po e konsiderojnë të pamjaftueshme pagën mesatare në vend.
“Sen nuk dalin 300 euro, veç një fëmijë sot po i hargjon aq në javë më duket…”, thotë qytetarja Shera Bekteshi
Ndërsa, qytetari Mark Berisha thotë se pagat në krahsim me çmimet janë të ulëta.
“Nuk janë të mjaftueshme pagat janë të vogla krahasim me inflacionin dhe shtrenjtimet, i rekomandoj ministrinë që të ketë rritje të pagave në vend…”, shprhet ai.
Sipas aktiviteteve ekonomike, pagat më të larta në vend janë në sektorin e energjisë, ku arrijnë në afro 970 euro pasuar nga sektori i informimit dhe komunikimit, ku janë afro 900 euro.
