Përmes një postimi në Facebook, Haradinaj ka thënë se Stjernvall e ka falënderuar për mbështetjen e vazhduar për forcimin e partneritetit mes Finlandës dhe Kosovës.
“Me ambasadoren Pia Stjernvall në vazhdimësi kemi pasur bashkëpunim konstruktiv. Sot në takim lamtumirës, e falënderova përzemërsisht për mbështetjen e vazhduar dhe përkushtimin e saj për forcimin e partneritetit mes Finlandës dhe Kosovës”, tha ai.
Haradinaj thotë se ambasadores Stjernvall i ka ndarë edhe medalje.
“Me motivacionin për miqësi, Ambasadores Stjernvall i kam ndarë medaljen “ME BESIM NË ZOT, ATDHE E SHTET” dhe i urova rrugëtim të suksesshëm në karrierë”.
“Gjithashtu ishte kënaqësi të bashkëbisedoj me ambasadorin e ri, i ngarkuar me punë në Ambasadën e Finlandës në Kosovë, Johan Lars Mikael Schalin, të cilit i urova mirëseardhjen dhe shumë sukses në detyrën e tij në vendin tonë”, ka thënë ai. /tëvë1.info/
