Mbledhja e Kryesisë së LDK-së ka zgjatur mbi katër orë, ku u diskutua për rezultatet e zgjedhjeve të 28 dhjetorit dhe dorëheqjet e nënkryetarëve Hykmete Bajrami dhe Avdullah Hoti.
Ata kanë kërkuar dorëheqjen e parevokueshme të kryetarit Lumir Abdixhiku, i cili ka deklaruar se dorëheqjen do ta paraqesë para Kuvendit të partisë dhe vendimi i mbetet delegatëve.
Pas mbledhjes, Besian Mustafa njoftoi se Kuvendi i partisë do të mbahet më 31 janar, ku Abdixhiku do të kërkojë edhe votëbesimin nga delegatët:
“Pati një diskutim gati 4 orë, i hapur dhe demokratik, duke shtjerrë debatin në secilën pikë të mundshme. Kuvendi do të mbahet më 31 janar, ku kryetari Abdixhiku do të ofrojë dorëheqjen e tij. Kryetari i partisë do të kërkojë votë të besimit, do vendoset për kërkesën e tij. Neni 27 i statutit të LDK-së e thotë që e ka këtë mundësi,” tha Mustafa.
