Shefi i grupit parlamentar të AAK-së, Besnik Tahiri ka bërë të ditur se është rrugës për në Paris të Francës.
Tahiri në një postim në Facebook, ka theksuar se si anëtar në Komitetin për Barazi dhe jo-diskriminim në kuadër të Këshillit të Evropës do të diskuton për çështje tematike të Komitetit, por siç ka shkruar ai, do të ketë takime rreth anëtarësimit të Kosovës në Këshill.
“Dy momente janë me rëndësi në këto javë. Takimi që do të mbahet më 27 mars 2024 i Komisionit për Politikë dhe Demokraci. Ky takim është i jashtëzakonshëm me pikën e vetme, aplikimin e Kosovës. Raporti duhet të votohet me 1/2, pra 27 deputetë duhet të votojnë në Komitet dhe të dërgohet në seancën plenare në PACE për votim. Në Asamblenë Parlamentare kërkohen 2/3 e votave”, shkroi Tahiri.
Kujtojmë se Kosova ka aplikuar për anëtarësim në KiE më 12 maj të vitit 2022./teve1.info/
