Në njoftimin për media nga MD-ja kanë theksuar se ende pa e pranuar familja e Astrit Deharit raportin, Prokuroria publikon 2 konkluzione dhe jo 5 sa janë në tërësi ato.
“Ende pa e pranuar familja e Astrit Deharit raportin e Institutit zviceran, Prokuroria Speciale publikon 2 konkluzione dhe jo 5 sa janë në tërësi ato. Nxitimi me komunikatë nga Prokuroria Speciale sikurse deklaratat e menjëhershme asokohe të kreut të policisë dhe të Prokurorisë Themelore në Prizren, në mënyrë të ngjashme na rikthehen sërish me deklarata të Prokurorisë Speciale, pa kurrfarë nevoje për këtë nxitim”, thuhet në njoftim.
Nga MD-ja kanë thënë se si mundet që organet e drejtësisë të jenë kaq tendencioze dhe selektive e veçmas Prokuroria e cila sipas tyre nuk guxon t’i shpërfillë asnjë nga hetimet që bëhen për asnjë rast të caktuar.
Sipas tyre, Astrit Dehari ka vdekur në duart e shtetit dhe papërgjegjësia e Prokurorisë tenton të vrasë zbardhjen e drejtësisë.
“Kujt i kontribuon një manipulim i tillë, ku publikohen konkludime të pjesëshme? Si munden organet e drejtësisë të jenë kaq tendencioze dhe selektive, veçmas një organ siç është prokuroria, e cila nuk guxon t’i shpërfillë asnjë nga hetimet që bëhen për asnjë rast të caktuar. Astrit Dehari ka vdekur në duart e shtetit. Papërgjegjësia e organeve të shtetit ka prodhuar edhe këtë situatë të kobshme. Papërgjegjësia e sërishme e organeve, këtë rast e Prokurorisë Speciale, tenton të vrasë zbardhjen e drejtësisë”, thuhet më tej në njoftim. /teve1.info/
Njoftimi i plotë:
