Një person është arrestuar në fshatin Leskoc të Klinës, pasi dyshohet për tentim-vrasje.
Policia e Kosovës ka njoftuar se i dyshuari është gjetur në vendin e ngjarjes pasi kishte shkuar te shtëpia e viktimës dhe e kishte kërcënuar me vrasje.
Sipas Policisë, i dyshuari kishte deklaruar se viktima ia kishte borxh 1.000 euro pas blerjes së një automjeti.
“Më datë 30 janar 2023 rreth orës 18:25, Policia është informuar se nё fshatin Leskoc- Klinё, ka ndodhur njё incident me armё zjarri. Policia menjëherë ka dalë në vendngjarje, aty kanë takuar viktimën i cili ka deklaruar se i dyshuari i kishte shkuar tek shtëpia e viktimës dhe ia kishte kërkuar një borxh prej njё mijё (1000) euro, tё cilat ia kishte djali i viktimës pas blerjes se një automjeti nga i dyshuari, viktima ka deklaruar se nuk ka para pёr t’ia paguar borxhin. Pas këtij deklarimi, i dyshuari e kishte kanos viktimën me fjalët: Nga 1 shkurti mbyllu në shtëpi se do të vras ty ose djalin, nё atë moment i dyshuari e ka gjuajtur me armë nё drejtim tё viktimës nga largësia prej 40-50 metra”, thuhet në njoftimin e PK-së.
Nga Policia kanë bërë të ditur se i dyshuari është arrestuar dhe i njëjti është dërguar për 48 orë.
“Nё vendngjarje janë gjetur dhe konfiskuar: • Njё (1) Arma automatike AK47 • Trembёdhjetё (13) gёzhoja kal.7.62mm • Pesё (5) fishek 6.35mm. I dyshuari ёshtё arrestuar dhe pas intervistimit, me urdhër tё Prokurorit tё shtetit ёshtё dërguar nё mbajtje pёr 48- orё”, thuhet më tej në njoftim. /Teve1.info/
